One tour per person

Starfsmannaferðir | Óvissuferðir | Vinnustaðaferðir

Ef þú ert að leita að skemmti- eða starfsdegi fyrir fyrirtækið þá eigum við ýmislegt í pokahorninu, bæði styttri eða lengri ferðir. Við bjóðum upp á ýmsa valkosti fyrir fyrirtækjahópa þar sem við tvinnum saman ævintýri með Midgard Adventure við mat og drykk hjá Midgard Base Camp. Við getum einnig boðið upp á gistingu hjá Midgard Base Camp.

Þið annað hvort komið til okkar á Hvolsvöll eða við sækjum ykkur með rútu í bæinn. Fyrsta stopp er að sjálfsögðu Midgard Base Camp þar sem þið fáið kaffi og “meðí” eða léttan hádegisverð áður en gleðin hefst. Eftir það er haldið á vit ævintýra sem auðvelt er að aðlaga að fjárhag og mismunandi gerð og stærð starfsmannahópa.

Í lok dags er komið við aftur á Midgard Base Camp í léttar veitingar, kaffi og kökur, drykk eða máltíð. Fyrir þá sem vilja gera enn meira úr ferðalaginu er svo hægt að gista hjá okkur eða á nærliggjandi hótelum.

Hópefli | Hvataferðir | Fjörefli | Bjórjóga

Við bjóðum upp á hópefli, fjörefli, hvataferðir, náttúruævintýri og bjórjóga. Við höfum margra ára reynslu af skipulagningu hópferða. Hafðu samband og við sendum á þig tillögu til baka sem hentar þínu hópi út frá fjárhag og stærð hóps. Til að hafa samband getur þú notað fyrirspurnarformið hér á síðunni, sent okkur póst á adventure@midgard.is eða hringt í síma 578 3370. Hér fyrir neðan finnur þú nokkrar tillögur að fyrirtækjaferðum.

 

Hugmyndir að starfsmannaferðum

Midgard Surprise

Við bjóðum ykkur upp á ævintýraferð þar sem við lofum engu öðru en að gera ykkur daginn eftirminnilegan. Val á áfangastað getur verið breytilegt og háð veðri en oftar en ekki farið í Þórsmörk. Stoppað á leiðinni á fallegum stöðum þar sem við bætum við stuttum göngum og einföldum leikjum. Inni í Þórsmörk er farið í stutta göngu við allra hæfi, boðið upp á léttar veitingar, leiki og gítarspil.

Mögulegar viðbætur:

  • Vaðið í Merkurkeri
  • Leikið í Nauthúsagili
  • Hópnum skipt í mismunandi erfiðar göngur
  • Heitur pottur og gufa í Midgard Base Camp
  • Jóga/Bjórjóga inn í mörk eða á Midgard Base Camp
  • Gisting (Midgard Base Camp, Þórsmörk eða öðrum nálægum stöðum)

 

Fljótshlíðarfjör

Morgunverður eða dögurður í Midgard Base Camp. Þaðan er farið á rútu inn með Fljótshlíð með nokkrum stoppum á leiðinni t.d. við Gluggafoss og Þorsteinslundi þar sem við bregðum aðeins á leik.

Þaðan er keyrt inn að Felli og gengið og leikið eins og hentar hópnum . Gengið meðfram Þórólfsá eða upp á Þórólfsfell. Grillað í Felli, sungið og spilað.  Eftirréttur og drykkur í Base Camp á leið í bæinn.

Mögulegar viðbætur:

  • Brauð grillað yfir opnum eldi
  • Hópnum skipt í mis erfiðar göngur
  • ATV fjórhjólaævintýri
  • Heitur pottur og gufa í Midgard Midgard Base Camp
  • Jóga/Bjórjóga
  • Gisting í fjallaskála, Midgard Base Camp eða öðrum nálægum stöðum

 

Ísdagur: ganga – klifur – sleði

Eftir stutta viðdvöl í Midgard Base Camp er ferðinni haldið áfram austur á Sólheimajökul þar sem leiðsögumenn Midgard Adventure gefa innsýn í undraheim jöklanna, aðstoða fólk við að festa á ísbrodda og leiða hópinn svo í gönguferð um jökulinn. Hér er hægt að bæta við ísklifri ef hópurinn er þannig samsettur. Hér er einnig hægt að skipta ísgöngu út fyrir snjósleða eða bæta snjósleðaferðinni við.

Mögulegar viðbætur:

  • Snjósleði
  • Ísklifur
  • Dögurður eða kvöldverður í Base Camp
  • Eftirmiðdagskaffi eða drykkur í Base Camp
  • Heitur pottur og gufa í Midgard Base Camp
  • Gistingu á Midgard Base Camp

 

Tumastaðaskógur

Ferðin byrjar á því að skoða nýja eldfjallasetrið á Hvolsvelli. Eftir það er keyrt inn Fljótshlíðina og inn í Tumastaðaskóg þar sem við göngum um skógræktina og grillum brauð yfir eldi við harmónikuleik, söng eða gítarspil. Þaðan er komið í Base Camp í kvöldverð og drykk.

Mögulegar viðbætur:

  • Ganga á Þríhyrning
  • Útreiðatúr
  • ATV fjórhjólaævintýri
  • Hægt er að bæta við stöðvum úr Sveitastemmaranum
  • Gisting í Midgard Base Camp
  • Nauthúsagil
  • Merkurker
  • Jóga/Bjórjóga

 

Sveitastemmari

Gestir velja sér fyrirfram eina afþreyingarstöð eftir sínu áhugasviði.  Markmiðið er að kynna ykkur fyrir heimamönnum og öllum áhugaverðu stöðunum og möguleikunum í kringum Hvolsvöll. Tímalengd hverrar stöðvar er á bilinu 2-3 klst og hver starfsmaður velur sér eina stöð til þátttöku í. Fjöldi stöðva fer eftir stærð hóps. Sem dæmi um stöðvar má nefna:

  • Tónlistarstöð
  • Fjallgöngustöð
  • Íslendingasagnastöð
  • Íþróttastöð
  • Fat-bike stöð
  • Skógræktar- og útivistarstöð

Mögulegar viðbætur:

  • Hádegisverður/kvöldverður
  • Prívat opnun á sundlauginni
  • Drykkur eða miðdagskaffi í Base Camp að loknum afþreyingum
  • Gisting í Base Camp eða nágrenni

Hafðu samband og við sendum á þig nánari lýsingu á hverri stöð og verðtilboð.

 

Fleiri hugmyndir að vinnustaðaferðum

  • Tveggja daga ganga – gist í tjaldi eða fjallaskála
  • Gisting á jökli
  • Hellakvöldverður
  • Hjólaferðir
  • Jóga 
  • Ganga um Fimmvörðuháls
  • Jeppaferð á Eyjafjallajökul
  • Gisting í fjallakofa inni á miðjum Sprengisandi með minni og stærri hópa
  • Skipta hópnum upp eftir áhuga, sumir ganga, sumir hlaupa, sumir njóta. Hópurinn tengdur hluta úr degi

 

Árshátíð hjá Midgard

Ef þið viljið lengja starfsmannaferðina eða halda árshátíðina hér fyrir austan þá bjóðum við upp á gistingu hjá Midgard Base Camp. Í boði eru 62 blönduð gistirými, frá kojum til prívat herbergja með prívat baðherbergjum. Ef slík gisting hentar ekki þá er er okkur ánægja að bóka ykkur hjá einhverju nágrannahótelanna ásamt því að aðstoða ykkur við alla skipulagningu dagsins / viðburðarins.

 

Fundur/vinnudagur fyrir stóra sem smáa hópa

Langar þig að halda fund í nýju og fersku umhverfi þar sem engar truflanir eru til staðar? Jafnvel bæta við hópefli, ævintýri eða ómótstæðilegum kvöldverði? Við getum aðstoðað þig við að útbúa akkúrat þannig dagskrá.

 

Hópefli

Vantar að hrista hópinn saman, efla tengsl innan hópsins eða veita hópnum innblástur? Við getum skipulagt hópefli fyrir þig út frá þínum markmiðum.

 

Umsögn um vinnustaðaferð með Midgard

 

Við vorum að leita að dagsferð fyrir hóp sem er mjög fjölbreyttur. Við vorum ekki með mikinn pening en okkur langaði til að gera eitthvað skemmtilegt. Ég vissi af Midgard og talaði við Björgu, hún kom með  mjög margar tillögur að hlutum sem hægt er að gera á Suðurlandi. 

Við enduðum á að fara m.a. í dásamlega skógarferð með leiðsögn og varðeldi, alveg hreint ógleymanlega skemmtilegt. Ég get svo sannarlega mælt með Midard fyrir stóra og litla hópa sem vilja gera sér glaðan dag. Þjónustan var  mjög góð og maturinn, drykkirnir og umhverfið allt alveg hreint frábært.

– Guðbjörg Káradóttir, Reykjavíkurborg

Hafðu samband

Ekki hika við að hafa samband og láta okkur klæðskerasníða lausnir að þínu fyrirtæki og fjárhag. Við tökum bæði á móti smáum og stórum hópum.

Smelltu hér til að skoða PDF kynningu á fyrirtækjapökkum Midgard.

Þú getur notað fyrirspurnarmöguleikann hér á síðunni eða sent okkur póst á adventure@midgard.is. Það er gott að taka fram fjölda starfsmanna og eins áætlaðan kostnað ef hann liggur fyrir. Við munum svo hafa samband með okkar tillögu.