UPPLIFÐU JÖKULÆVINTÝRI!

Leiðsögumenn hitta hópinn á bílastæðinu við Sólheimajökul. Þaðan er gengið í átt að jöklinum sem tekur um 15-20 mínútur. Áður en lagt er af stað á jökulinn sjálfan fara leiðsögumenn yfir öryggisatriði og hópurinn fær aðstoð við að að festa á sig ísbrodda. Í kjölfarið er haldið af stað í gönguferð um jökulinn þar sem leiðsögumenn gefa hópnum innsýn í undraheim jökla og útskýra eðli þeirra og sögu. Leiðsögumenn munu svo setja upp línur og bjóða hópnum að prófa ísklifur í mismunandi halla. Þetta er frábær skemmtun og einstök upplifun. Engin reynsla af ísgöngu eða klifri er nauðsynleg.

Innifalið:

• Ísganga
• Ísklifur
• Leiðsögn um jökulinn
• Öryggisbúnaður (hjálmur, belti og broddar)

Hvar:

Hópurinn hittist á Bílaplaninu við Sólheimajökul kl. 11. Sjá staðsetningu á Google Maps hér.

Hvenær:

Tímalengd:

5-6 tímar

Lágmarksþátttaka:

8 í hverri ferð. Ef lágmarksþátttaka næst ekki munum við hafa samband við þá sem eru skráðir.

Erfiðleikastig:

Meðal. Jökullinn er hæðóttur þannig fólk þarf að vera gott til gangs. Ísklifur er valfrjálst.

Útbúnaður:

Hlý föt. Gott að vera í lögum þannig hægt sé að klæða sig úr og í. Við mælum með að vera með lítinn bakpoka. Hitastigið á jöklinum er alltaf nokkrum gráðum lægra. Mikilvægt er að vera í hörðum skóm (t.d. gönguskóm). Annars er hætta á að broddarnir eyðileggi skóna. Midgard skaffar allan öryggisbúnað (brodda, belti og hjálm).

Nesti:

Gestir koma með eigið nesti eða panta nesti frá Midgard (2.500 kr.). Sjá nánari upplýsingar neðar.

Hvernig bóka ég?

Þú bókar hér á síðunni. Til að virkja gjafabréfið slærð þú inn ADVANIA2020 undir „Promo Code or Gift Card“ og setur inn númer gjafabréfs undir „Questions“.