Ganga á Eyjafjallajökul með Midgard
Midgard ætlar að bjóða upp á leiðsagðar vorgöngur á Eyjafjallajökul í apríl – júní 2023. Eyjafjallajökull er rúmlega 1600 metra hár og trónir yfir suðurströnd Íslands.
Hópurinn mætir á Midgard Base Camp á laugardagsmorgun. Eftir staðgóðan morgunmat er sameinast í eigin bíla og haldið að upphafsstað. Um er að ræða krefjandi göngu. Gengið verður í langan tíma í snjó og á ís. Hópurinn verður í göngubeltum og í línu, eins og venjan er á gönguferðum á sprungusvæðum á jöklum og oft er þörf á mannbroddum. Ferðin getur verið um 18-20 km og 1500 m hækkun og göngutími er um 10 klukkutímar. Þegar göngunni er lokið er ekið aftur á Midgard Base Camp þar sem fólk getur mýkt stirða vöðva í heitum potti og gufubaði. Þegar úthaldið er búið er lagst til hvílu í uppábúinni koju.
Gangan hentar vel fólki sem er í góðu gönguformi og hefur verið duglegt í sumargöngum. Þessi ferð hentar vel þeim sem vilja taka sín fyrstu skref í jökla-og vetrarferðamennsku undir handleiðslu leiðsögumanna.
Ef færð eða veður verður ekki okkur í hag, verður farið yfir aðra göngukosti á undirbúningsfundi.
Hvað er innifalið?
- Undirbúningsfundur u.þ.b. viku fyrir brottför á Zoom
- Leiðsögn
- Allur nauðsynlegur jökla öryggisbúnaður
- Gisting í eina nótt á Midgard Base Camp í uppábúinni koju
- 1x kvöldmáltíðir
- 2x morgunmatur
- Aðgangur að heitum potti og sauna á Midgard Base Camp
Verð: 36.000 kr. á mann
Dagsetningar:
22. apríl 2023
Fleiri dagsetningar verða kynntar síðar.
Ertu með aðra dagsetningu í huga? Endilega hafðu samband með því að senda okkur póst á adventure@midgard.is
Lágmarksþátttaka: 8 manns.
Ferðatilhögun:
- Mætt á Midgard Base Camp á laugardagsmorgni, undirbúningsfundur og morgunmatur með hópnum
- Pakkað í bakpoka og búnaður yfirfarinn
- Lagt af stað kl. 8:00 frá Midgard Base Camp, keyrt í um 30 mín að upphafstað göngu, gengið í um 10 tíma
- Eftir gönguna er keyrt aftur á Midgard Base Camp og þá er tilvalið að skella sér í heita pottinn og gufubað
- Sameiginlegur kvöldmatur
- Sprell, sögustund og skálað
- Morguninn eftir er morgunmatur og rólegheit áður en fólk fer heim á leið
Nánari upplýsingar:
Þar sem á jöklum er allra veðra von, þá er Midgard teymið með nokkra möguleika í vali á gönguleiðum.
1.val. Gengið frá Seljavöllum uppá topp og til baka.
2.val. Gengið verður á topp í nágrenni Midgard Base Camp, t.d. Þríhyrning og/eða Þórólfsfell.
Ef kemur til annars vals þá hefur fólk möguleika á því að hætta við ferðina sér að kostnaðarlausu. Tilkynnt verður um val á leið nokkrum dögum fyrir brottför.
Gistingin:
Kojuherbergin eru 4-6 manna. Vinahópar verða saman í herbergi. Kojuherbergin eru mjög skemmtileg. Þau státa af veglegum, heimasmíðuðum kojum sem eru boltaðar í gegnum vegginn. Rúmin er uppábúin og dýnurnar, sængurnar og sængurverin eru af góðum gæðum. Kojurnar eru þannig útbúnar að hægt er að draga gardínu fyrir, þannig fæst meira næði. Hver koja er jafnframt með sér rafmagnstenglum og læstri hirslu.
Viltu frekar sérherbergi? Uppfærsla í 2ja manna herbergi kostar 4.500 kr. á mann per/nótt (miðað við tvo í herbergi). Vinsamlega sendu okkur póst á adventure@midgard.is ef þú vilt uppfæra gistinguna í sérherbergi.
>> Kynntu þér Midgard Base Camp hér
BÓKAÐU Í DAG OG GAKKTU UPP Á EYJAFJALLAJÖKUL MEÐ MIDGARD!
HAFÐU SAMBAND
Ertu með spurningu? Hafðu samband við okkur hér eða sendu okkur póst á adventure@midgard.is. Þú getur einnig hringt í okkur í síma 578 3370.
Smelltu hér til að lesa afbókunar- og endurgreiðsluskilmála Midgard.
RÉTT Í LOKIN…TVÆR SPURNINGAR
VILTU BÓKA FLEIRI NÆTUR Á MIDGARD BASE CAMP?
Midgard Base Camp á Hvolsvelli býður upp á bæði hótel og hostel gistingu. Frábær aðstaða fyrir fjölskyldur (börn elska að gista hjá okkur), vinahópinn og pör. Yndislegur heitur pottur með mögnuðu útsýni, sauna, stórt sameiginlegt rými, bar, veitingastaður, gestaeldhús, aðstaða til að þurrka tjöld og búnað, þvottavél, þurrkari, næg bílastæði og margt fleira.
VISSIR ÞÚ AF MIDGARD RESTAURANT?
Veitingastaðurinn okkar býður upp á “FEEL GOOD FOOD” sem bæði nærir og kætir. Við leggjum jafnframt áherslu á að nota hráefni úr heimabyggð og reynum að gera allt frá grunni. Við bjóðum upp á breitt úrval rétta fyrir kjöt-, fisk- og grænmetisætur og auðvitað líka grænkera.
>> Smelltu hér til að lesa meira!
