59.900 kr. 54.900 kr.
One tour per person
Popular!
Jun-Sept
Season
3 Days
Duration

Fimmvörðuháls með Midgard Adventure

Gakktu eina af fallegustu gönguleiðum landsins með reyndum leiðsögumanni Midgard Adventure. Nóttina fyrir gönguna er gist á Midgard Base Camp. Eftir staðgóðan morgunmat er hópnum skutlað að Skógafossi þar sem gangan hefst. Gengið er upp með Skógá, farið yfir ánna á göngubrú og haldið áfram að Baldvinsskála. Þaðan liggur leiðin að Magna og Móða, niður Bröttufönn, um Heljarkamb, yfir Morinsheiði, um hinn fræga Kattahrygg og þaðan áfram niður í Þórsmörk. Þar bíða þurr föt, grillaður hamborgari og kældur bjór eða gos. Eftir mat er ekið að Midgard Base Camp þar sem fólk getur mýkt stirða vöðva í heitum potti og gufubaði. Þegar úthaldið er búið er lagst til hvílu í uppábúinni koju.

Hvað er innifalið?

  • Gönguleiðsögn
  • Skutl frá Hvolsvelli á Skóga
  • Hamborgari og bjór/gos í Þórsmörk
  • Flutningur frá Þórsmörk að Midgard Base Camp
  • Gisting í tvær nætur í sérherbergi á Midgard Base Camp*
  • Morgunverður (x2)
  • Undirbúningsfundur kvöldið fyrir gönguna
  • Aðgangur að heitum potti og sauna á Midgard Base Camp

*verð miðar við tvo í herbergi

Verðmæti: 59.900 kr.

Tilboð: 54.900 kr.

Þú getur nýtt ferðagjöfina! Sjá leiðbeiningar aðeins neðar.

 

Dagsetningar:

Við erum búin að negla niður nokkrar dagsetningar fyrir næsta sumar en við munum líklega bæta við fleiri dagsetningum þegar nær dregur.

11.-13 júní: Kvennaferð

18.-20. júní: Almenn ferð (Sumarsólstöður)

2.-4. júlí: Kvennaferð

13.-15. ágúst: Byrjendaferð

22.-22. ágúst: Almenn ferð

 

Fyrir hverja er þessi ferð?

Þessi ganga er fyrir alla sem vilja upplifa eina fallegustu gönguleið landsins. Við munum sjá til þess að gönguhraðinn henti öllum, byrjendum og þeim sem eru vanir.

 

Frekari upplýsingar um gönguna:

Lengd göngu: 24 km. Hækkun: 1,050m. Tímalengd göngu: fer eftir hópnum en almennt um 9-12 tímar.

Við bjóðum upp á sérstaka byrjendaferð þar sem við munum fara hægt yfir. Sú ferð er tilvalin fyrir fólk sem er að stíga sín fyrstu skref í lengri göngum eða fyrir fólk sem vill bara taka því mjög rólega (það getur verið mjög notalegt líka!). Þess má þó geta að byrjendur eru líka velkomnir í aðrar ferðir því við munum alltaf passa að gönguhraðinn henti öllum.

 

Gistingin:
Í boði er gisting í sérherbergi eða í uppábúinni koju.

Viltu frekar kojugistingu? Smelltu hér!

>> Kynntu þér Midgard Base Camp hér

 

Ferðagjöfin:

Til þess að nýta ferðagjöfina þarftu að ná í Ferdagjof appið í símann þinn og fylgja leiðbeiningum til að ná í kóða sem þú setur svo undir „gift certificate“ í bókunarferlinu.

 

BÓKAÐU Í DAG OG GAKKTU FIMMVÖRÐUHÁLSINN Í SUMAR MEÐ MIDGARD!

 

HAFÐU SAMBAND

Ertu með spurningu? Hafðu samband við okkur hér eða sendu okkur póst á adventure@midgard.is. Þú getur einnig hringt í okkur í síma 578 3370.

 

AFBÓKUNAR- OG ENDURGREIÐSLUSKILMÁLAR

Afbókunar- og endurgreiðsluskilmálar eru eftirfarandi:

100% endurgreiðsla ef ferð fellur niður sökum sóttvarnaákvarðana eða veikinda tengdum Covid-19
80% endurgreiðsla ef afbókað með meira en 7 daga fyrirvara
50% endurgreiðsla ef afbókað með meira en 72 klst fyrirvara
Engin endurgreiðsla ef afbókað með minna en 72 klst fyrirvara

Ef við aflýsum ferðinni vegna veðurs þá endurgreiðum við að sjálfsögðu að fullu. Ef veður yrði mjög vont þá gætum við a) gert breytingar á ferðatilhögun og gengið fram og til baka úr Básum eða b) kynnt til sögunnar aðra gönguleið þar sem veður væri betra. Ef til þess kæmi að leið b) yrði valin þá verður það kynnt sérstaklega og fólki gefinn kostur á að samþykkja eða hætta við.

 

RÉTT Í LOKIN…TVÆR SPURNINGAR

VILTU BÓKA FLEIRI NÆTUR Á MIDGARD BASE CAMP?

Midgard Base Camp á Hvolsvelli býður upp á bæði hótel og hostel gistingu. Frábær aðstaða fyrir fjölskyldur (börn elska að gista hjá okkur), vinahópinn og pör. Yndislegur heitur pottur með mögnuðu útsýni, sauna, stórt sameiginlegt rými, bar, veitingastaður, gestaeldhús, aðstaða til að þurrka tjöld og búnað, þvottavél, þurrkari, næg bílastæði og margt fleira.

>> Kynntu þér málið hér!

 

VISSIR ÞÚ AF MIDGARD RESTAURANT?

Veitingastaðurinn okkar býður upp á “FEEL GOOD FOOD”  sem bæði nærir og kætir. Við leggjum jafnframt áherslu á að nota hráefni úr heimabyggð og reynum að gera allt frá grunni. Við bjóðum upp á breitt úrval rétta fyrir kjöt-, fisk- og grænmetisætur og auðvitað líka grænkera.

>> Smelltu hér til að lesa meira!