Tveggja daga Laugavegur – áskorun, nautn og upplifun
Okkur hjá Midgard langar að bjóða ykkur með í tveggja daga (þriggja nátta) gönguferð um Laugaveg.
Ef eftirfarandi lýsing á við þig þá skaltu skrá þig:
- Ert í góðu gönguformi
- Vilt vera áhyggjulaus og láta aðra sjá um skipulagningu
- Vilt njóta í góðra vina hópi
- Hefur gengið Grænahrygg eða Fimmvörðuháls og langar að taka næsta skref
Við hjá Midgard sjáum alveg um ykkur frá því þið komið til okkar kvöldið fyrir göngu svo þið getið einbeitt ykkur að því að njóta ferðarinnar. Göngudagarnir eru langir, um 27 km á dag en það eina sem þið þurfið að gera er að ganga frá A til B og bera dagpokana ykkar.
Hvað er innifalið?
- Allur matur frá kvöldi fyrsta dags til morgunverðar á síðasta degi
- Kraftmikill matur í Hvanngili framreiddur af Midgard kokkunum, skolað niður með góðum veigum
- Gisting 2 nætur á Midgard Base Camp í uppábúinni koju. Möguleiki á uppfærslu í prívat herbergi
- Gisting 1 nótt í skála í Hvanngili, í svefnpoka
- Flutningur frá Midgard Base Camp í Landmannalaugar
- Flutningur frá Þórsmörk aftur að Midgard Base Camp
- Gönguleiðsögn með reyndu leiðsögufólki
- Trúss / Farangursflutningar
- Bjórjóga í Þórsmörk að lokinni göngu
- Undirbúningsfundur u.þ.b. viku fyrir brottför á Zoom
- Kort af svæðinu
- Aðgangur að heitum potti og sauna á Midgard Base Camp
Verð: 154.900 kr.
HAFÐU SAMBAND
Ekki hika við að hafa samband! Þú getur notað fyrirspurnarmöguleikann hér á síðunni, sent okkur póst á adventure@midgard.is eða heyrt í okkur í síma 578 3370.
FERÐATILHÖGUN
Við hittumst á Midgard Base Camp kvöldið fyrir göngu þar sem við njótum tveggja rétta máltíðar. Eftir kvöldverð höldum við stuttan undirbúningsfund. Að honum loknum er hægt að fara í pottinn og gufuna áður en lagst er til hvílu.
Lagt er af stað mjög snemma morguninn eftir frá Midgard í Landmannalaugar. Heildargönguleiðin er um 55 km og skiptist á tvo daga. Þegar komið er í Þórsmörk í lok seinni göngudagsins er boðið upp á bjórjóga og hamborgara. Að því loknu verðum við flutt aftur á Midgard Base Camp þar sem við fáum okkur viðbótarsnarl, njótum þess að fara í heita pottinn og gufuna, skoðum myndir úr ferðinni og rifjum upp góðar stundir.
Gist er í Midgard Base Camp við upphaf og lok göngu. Gist er eina nótt í skála.
Viku fyrir ferð, undirbúningsfundur á ZOOM.
Dagur 1:
- Mætt fyrir kvöldverð á Midgard Base Camp. Upplagt að njóta þess að mæta tímanlega.
- Undirbúningsfundur og kvöldverður með hópnum. Búnaður yfirfarinn og lokapökkun í bakpokana.
- Á Midgard er hægt að njóta gufunnar og heita pottsins áður en þið leggist til hvílu fyrir ferð.
- Gist í uppábúinni lúxuskoju á Midgard Base Camp. Möguleiki á uppfærslu í prívat herbergi.
Dagur 2:
- Lagt af stað um 7.00 frá Midgard í Landmannalaugar þar sem gangan hefst. Áætlað upphaf göngu um 10.00.
- Fyrsta dagleiðin liggur um ævintýralegt landslag Laugasvæðisins, Jökultungur, Álftavatn og í Hvanngil
- Gist í skála FÍ í Hvanngili. Kojugisting í svefnpokum.
- Lengd dagleiðar: 27 km
Dagur 3:
- Lagt af stað um 9.00 frá Hvanngili.
- Gengið um Mælifellssand, í Emstur, um Almenninga og í Langadal í Þórsmörk þar sem gangan endar.
- Þennan dag þurfum við að vaða nokkrar ár, Bláfjallakvísl og Þröngá.
- Lengd dagleiðar: 17 km.
- Gist í uppábúinni lúxuskoju á Midgard Base Camp. Möguleiki á uppfærslu í prívat herbergi.
Dagur 4:
- Eftir góðan morgunverð, skemmtilega upprifjun og nokkur hlátrasköll heldur hver til sinna heima.
BÓKAÐU Í DAG OG UPPLIFÐU KREFJANDI LAUGAVEG MEÐ LÚXUS
SVÖR VIÐ ALGENGUM SPURNINGUM
Hvað er ekki innifalið?
- Ferðalag til og frá eigin heimilis að Midgard Base Camp
- Eigin fatnaður
- Svefnpoki – við leiðbeinum með leigu ef þarf
- Drykkir á Midgard Base Camp, fyrsta og síðasta kvöldið
Eftirfarandi er hægt að bóka aukalega:
- Uppfærslu í prívatherbergi, háð framboði
Gistingin á Midgard Base Camp:
Kojuherbergin eru 4-6 manna. Við reynum eftir fremsta megni að setja hópa saman í herbergi. Kojuherbergin eru mjög skemmtileg með veglegum, heimasmíðuðum kojum sem eru boltaðar í gegnum vegginn og haggast ekki. Rúmin er uppábúin og dýnurnar, sængurnar og sængurverin eru af góðum gæðum. Kojurnar eru þannig útbúnar að hægt er að draga gardínu fyrir, þannig fæst meira næði. Hver koja er jafnframt með sér rafmagnstenglum og ljósi. Góðar hirslur fylgja hverri koju.
Viltu frekar sérherbergi? Vinsamlega sendu okkur póst á adventure@midgard.is ef þú vilt uppfæra gistinguna í sérherbergi.
Smelltu hér til að lesa afbókunar- og endurgreiðsluskilmála Midgard.
HAFÐU SAMBAND
Ertu með spurningu? Hafðu samband við okkur hér eða sendu okkur póst á adventure@midgard.is. Þú getur einnig hringt í okkur í síma 578 3370.
RÉTT Í LOKIN…TVÆR SPURNINGAR
VILTU VITA MEIRA UM MIDGARD BASE CAMP?
Midgard Base Camp á Hvolsvelli býður upp á bæði hótel og hostel gistingu. Frábær aðstaða fyrir fjölskyldur (börn elska að gista hjá okkur), vinahópinn og pör. Yndislegur heitur pottur með mögnuðu útsýni, sauna, stórt sameiginlegt rými, bar, veitingastaður, gestaeldhús, aðstaða til að þurrka tjöld og búnað, þvottavél, þurrkari, næg bílastæði og margt fleira.
>> Kynntu þér Midgard Base Camp betur hér!
VISSIR ÞÚ AF MIDGARD RESTAURANT?
Veitingastaðurinn okkar býður upp á bragðgóðan mat sem bæði nærir og kætir. Við leggjum áherslu á að nota hráefni úr heimabyggð og reynum að gera allt frá grunni. Við bjóðum upp á rétti fyrir kjöt-, fisk- og grænmetisætur og auðvitað líka grænkera.
>> Smelltu hér til að lesa meira!
